لە نەخۆشخانەیەکی ئێران ئاگر کەوتەوە و نۆ کەس گیانیان لەدەستدا
11:39 - 18/06/2024
زەمەن - ئێران
لە نەخۆشخانەیەکی
نێودەوڵەتی ئێران ئاگر کەوتەوە و لە ئاکامدا نۆ نەخۆش گیانیان لەدەستدا.
بە وتەی
بەرپرسانی ئێران، ئاگرەکە لە نەخۆشخانەی قائیم لە شاری ڕەشت کەوتووەتەوە، بە بەشداریی
١٣٦ کارمەند و ٣٦ ئۆتۆمبێلی ئاگرکوژێنەوە کۆنترۆڵکراوە.
هاوکات بەرپرسانی ئێران ئاماژەیان بەوەش
کردووە، لە
کاتی کەوتنەوەی ئاگرەکەدا زیاتر لە ١٠٠ کەس لەناو نەخۆشخانەکەدا بوون، جگە لەو نۆ
کەسەی گیانیان لەدەستداوە، ئەوانی دیکە سەرجەمیان ڕزگارکراون و گواستراونەتەوە بۆ
نەخۆشخانەکانی دیکە.
تا ئێستا بەرپرسانی ئێران ئاماژەیان بە
هۆکاری کەوتنەوەی ئاگرەکە نەکردووە، لێکۆڵینەوە دەستیپێکردووە و لە داهاتوویەکی
نزیکدا هۆکارەکەی و تەواوی زیانەکانی ئاشکرا دەکرێت.