ئیسرائیل کوشتنى فەرماندەیەکى باڵاى حەماسى راگەیاند
01:32 - 01/08/2024
زەمەن - غەززە
سوپاى ئیسرائیل
کوشتنى فەرماندەیەکى باڵاى حەماسى راگەیاند لە بۆردومانێکدا کە لە ناوەڕاستى مانگى
رابردو ئەنجامیداوە.
سوپاى ئیسرائیل
لە بەیاننامەیەکدا بڵاویکردەوە؛ محەمەد زەیف، فەرماندەى باڵى سەربازیی حەماس
کوژراوە، ئەمەش لە بۆردومانێکدا لە کەرتى غەززە کە لە دوو هەفتەى رابردو ئەنجامیداوە.
لە بەیاننامەکەدا
سوپاى ئیسرائیل رایگەیاندوە؛ لە 13ـى تەمموز فڕۆکە هێرشبەرەکانى سەربە ئیسرائیل
ناوچەى خان یونسیان کردوەتە ئامانج و دواى زانیارییە هەواڵگرییەکانیش کوژرانى محەمەد
زەیف لەو بۆردومانە پشتڕاستکراوەتەوە.
ئاماژە بۆ ئەوەشکراوە
کە لە بۆردومانەکەدا جگە لە کوشتنى ئەو فەرماندەیە سەدان هاوڵاتیی و ئاوارە
کوژراون و کوشتنى زەیفیش دواى چەندین هەوڵى سەرنەکەوتو بوە.
رۆژى رابردو، ئیسماعیل
هەنیە سەرکردەى باڵاى حەماس لە تارانى پایتەختى ئێران و لە شوێنى مانەوەى خۆى کرایە
ئامانج و کوژرا، تا ئێستاش بە فەرمیی هیچ
لایەنێک بەرپرسیارێتى خۆی رانەگەیاندوە، بەڵام ئێران و حەماس ئیسرائیل تۆمەتبار دەکەن
بەو هێرشە.