خۆراکى نوێ بۆ بەشەخۆراکى مانگانە زیادکرا
08:31 - 09/10/2024
زەمەن - عێراقى
وەزارەتى بازرگانیى عێراق رایگەیاند، نۆک و ماش و نیسک و لەتکەنۆکیان بۆ بەشەخۆراکى مانگانە زیادکردووە و دەستیش بە دابەشکردنى حەوتەم بەشەخۆراکى مانگانە دەکرێت.
راشیگەیاندووە، داوا دەکەن هاووڵاتیان سەردانى بریکارەکانى خۆرام بکەن بۆ وەرگرتنى بەشەخۆراکى مانگانەیان.
بەگوێرەى خشتەى خۆراکەکانى ناو بەشەخۆراکى مانگانە، خۆراکەکان هەشت جۆرن کە بریتین لە (برنج و شەكر و زەیت و دۆشاوی تەماتە و نیسك و لەتكەنۆك و ماش و نۆک).
