عێراق دوو وڵات پێش کۆتاییە له ریزبه‌ندی خراپترین پاسپۆرتدا
10:29 - 19/12/2024
زه‌مه‌ن - هه‌رێمی كوردستان
دیسان پاسپۆرتی
عێراقی له لیستى بەهێزترین و لاوازترین پاسپۆرتەکانى جیهان له ریزبه‌ندیخواری
خواره‌وه دیاریكرا.
دوێنێ چوارشه‌ممه
پێگەى "پاسپۆرت ئیندێکس" لیستى پاسپۆرتى وڵاتى جیهانى لەڕوى بەهێزییەوە
بۆ لاوازى بڵاوکردوەتەوە؛ بەپێی ئەو لیستەش ئیمارات یەکەم بەهێزترین پاسپۆرتە لە جیهاندا
و هەڵگرى ئەم پاسپۆرتە دەتوانێت بەبێ ڤیزا سەردانى 133 وڵات بکات و تەنها لە 18 وڵات
پێویستیان بە وەرگرتنى ڤیزا دەبێت.
هەربەپێی لیستەکە؛
دواى ئیماراتى عەرەبى، پاسپۆرتى ئیسپانیا پلەى دوەمە و دواتریش فینلەندا و فەرەنسا
و ئەڵمانیا و بەلجیکا و ئیتاڵیا و دانیمارک دێن.
ئەو وڵاتانەى کەوتونەتە
کۆتایی ئەم لیستەوە چوار وڵاتن؛ ئەوانیش سۆماڵ و عێراق و ئەفغانستان و سوریا، عێراق
تەنها پێش ئەفغانستان و سوریا کەوتوە و لەدواى سۆماڵیشەوەیە.
پێگەکە ئاماژەى
بۆ ئەوەکردوە کە هەڵگرانى پاسپۆرتى عێراقى دەتوانن بەبێ ڤیزا سەردانى تەنها 11 وڵات
بکەن و لە 35 وڵاتیش لەکاتى گەیشتن ڤیزا وەردەگرن؛ بەڵام لە 152 وڵاتى جیهانەوە پێش
سەردانکردن پێویست بە وەرگرتنى ڤیزا دەکات.