خانمێک لەبەرئەوەی وتی گولەن "بە بەهەشت شادبێت" دادگایی دەکرێت
02:56 - 22/10/2024
زەمەن - تورکیا
خانمە
ڕۆژنامەنووسێک لە پارێزگای بورسای تورکیا لەکاتی بڵاوکردنەوەی هەواڵی کۆچی دوایی فەتحوڵڵا
گولەن وتی، "بە بەهەشت شاد بێت"، لەسەر ئەو قسەیە دەستبەسەرکرا و بەتۆمەتی
بانگەشەکردن بۆ تیرۆر دادگەیی دەکرێت.
ڕۆژنامەنووسەکە
ناوی ئایسن کۆمیتگان و تورکە، ڕۆژی ٢١ی ئەم مانگە، دوای بڵاوبوونەوەی هەواڵی کۆچی دوایی فەتحوڵڵا
گولەن، رێبەری گولەنییەکان، لەو کەناڵە تەلەڤیزیۆنییە خۆجێیە هەواڵەکەی بڵاوکردەوە
و گوتی، "بەبەهەشت شاد بێت". بەو هۆیەوە داواکاری گشتیی بورسا بە تۆمەتی
"بانگەشەکردن بۆ تیرۆر" لێکۆڵینەوەی دەستپێکرد.
دوابەدوای ئەم
قسەیە، هێزە ئەمنییەکانی تورکیا دەستگیریان کرد و ئەمرۆش دادگایی دەکرێت.
فەتحوڵڵا گولەن دامەزرێنەری
بزووتنەوەی خزمەت یان گولەن، لە ٢١ی ئاداری ١٩٩٩ بە پاساوی هەبوونی کێشەی تەندروستی
چووە ئەمریکا و هەر لەوێ مایەوە، ڕۆژی
٢٠ی ئەم مانگە بەهۆی نەخۆشییەوە کۆچی دوایی کرد.
حکومەتی تورکیا
بزووتنەوەی خزمەت یان گولەنییەکانی خستووەتە لیستی تیرۆر و بە ئەنجامدانی هەوڵی
کودەتاکەی ١٥ـی تەممووزی ٢٠١٦ تۆمەتباریان دەکات، ئەوە لەکاتێکدایە گولەنییەکان رەتیدەکەنەوە
دەستیان لە هەوڵێکی وەهادا هەبووبێت.