ساتی گەیشتنی سوودانی بۆ پەرلەمانی عێراق
03:37 - 04/12/2024
زەمەن – عێراق
سوودانی سەرۆکوەزیرانی عێراق گەیشتە هۆڵی پەرلەمانی عێراق
و دانیشتنەکە دەستیپێکرد.
لەو بارەیەوە د. جەمال کۆچەر، ئەندامی لیژنەی دارایی لە
پەرلەمانی عێراق ئاماژەی بەوە کردووە، کێشەی دواکەوتن و نەناردنی مووچەی مووچەخۆرانی
هەرێمی کوردستان لە پەرلەمان ئاراستەی سوودانی دەکەین و داوای ڕوونکردنەوەی لێدەکەین.
سەرۆکوەزیرانی عێراق بەیاوەری محەمەد تەمیم، وەزیری
پلاندانان، عەبدولئەمیر شەمەری وەزیری ناوخۆ و فوئاد حسێن، وەزیری دەرەوە، گەیشتووەتە
بینای ئەنجوومەنی نوێنەران و وابڕیارە وتارێک پێشکەشبکات.
هاوکات سەردانەکەی سودانی بۆ پەرلەمان لەسەر داوای خۆی
بووە و وابڕیارە لەوێ چەند پرسێکی ئەمنی و ئابوری تاوتوێبکرێت و لەبارەی شەڕی سوریا
و سنورەکانی عێراقیشەوە قسەبکات.
هاوکات یەکێک لە تەوەرەکان بریتی دەبێت لە؛ خوێندنەوەی
دووەم بۆ پڕۆژەیاسای هەمواری یەکەمی یاسای بودجەی سێ ساڵەی عێراق (2023،2024 و
2025).
