پەرلەمانتارێکى پارتى: غەدر لە مووچەخۆرانى هەرێمى کوردستان دەکرێت
08:46 - 04/01/2025
زەمەن - کوردستانى
ئەندامێكی پەرلەمانى عێراق لە فراکسیۆنى پارتى دەڵێت، بەغداد پابەندی رێككەوتنەكان نەبووە و كاركردن بە یاسای بودجە 31ی کانوونى یەکەمى 2024ەوە راگیراوە، بەو هۆیەوە پێناچێت مووچەی مانگی 12 بنێردرێت، هەرچەندە هەرێم لە هەوڵدایە ئەو پرسە لەگەڵ بەغداد یەكلابكاتەوە.
شوان محەمەد، ئەندامى پەرلەمانى عێراق لە فراکسیۆنى پارتى گوتووشیەتى، هەوڵی جدی دەدرێت كە مووچەی مانگی 12ی ساڵی رابردوو نەفەوتێت، بەڵام یاسای بودجە لە 1ی1 كاریپێدەكرێت لە 31ی 12 كۆتایی دێت.
دەشڵێت، پێشتر هەرێم و بەغداد رێككەوتنیان كرد و عێراق بەڵێنیدا مووچەی مانگەكانی 10، 11 و 12 بۆ هەر مانگێك 763 ملیار دینار بنێرێت، بەڵام پابەندی رێككەوتنەكان نەبوو و غەدر لە مووچەخۆرانی هەرێمی كوردستان دەكرێت.