كۆمسیۆن هەنگاوی یەكەمی بۆ هەڵبژاردنە پەرلەمانیەكەی ئەمساڵ نا
01:52 - 24/03/2025
زەمەن _ عێراقی
کۆمیسیۆنی باڵای سەربەخۆی هەڵبژاردنەکانی عێراق، لە سبەی سێشەممەوە پڕۆسەی نوێکردنەوەی تۆماری بایۆمەتری دەنگدەران دەست پێدەکات.
ئەمڕۆ دووشەممە، ٢٤ی ئازاری ٢٠٢٥، لەلایەن کۆمیسیۆنی باڵای سەربەخۆی هەڵبژاردنەکانی عێراق، ڕاگەیەندراوێکی بڵاوکردووەتەوە و ڕایگەیاند: "کۆمیسیۆن بڕیاری داوە لە ٢٥ـی ئازارەوە، دەست بە پرۆسەی نوێکردنەوەی تۆماری بایۆمەتریی دەنگدەران بکرێت."
باسی لەوەسکردووە، پرۆسەی نوێکردنەوەی تۆماری بایۆمەتریی دەنگدەران، بۆ ماوەی مانگێک بەردەوام دەبێت، لەوانە پرۆسەی تۆمارکردنی سەرەتایی، زیادکردن، چاککردنەوە، گۆڕانکاری، سڕینەوە، تۆمارکردنی ئاوارەکان، و تۆمارکردنی هێزە ئەمنییەکان."