109 عیراق

وەزیرى نەوت: دەسەڵاتمان بەسەر نەوتی هەرێمی کوردستاندا نییە

01:57 - 24/03/2025

زەمەن:-

 

 وەزیری نەوتی عێراق ڕایگەیاند: هیچ دەسەڵاتێکیان بەسەر پرۆسەی بەرهەمهێنانی نەوتی هەرێمی کوردستانەوە نییە و رێکخراوی ئۆپیکیان ئاگەدارکردووەتەوە.

 ئەمڕۆ دووشەممە، ٢٤ی ئازاری ٢٠٢٥، حەیان عەبدولغەنی، وەزیرى نەوتی عێراق لە دیمانەیەکی کەناڵی عێراقییەی فەرمییدا ئاشکرایکرد، "بەگوێرەى یاسای بودجە، بڕی ١٦ دۆلار بۆ بەرهەمهێنانی هەر بەرمیلێک نەوتی هەرێمی کوردستان دیارییکراوە و رێکخراوی ئۆپیکیان لەوە ئاگەدارکردووەتەوە، هەرێمی کوردستان لەکاتی ئێستادا رۆژانە ٢٨٦ هەزار بەرمیل نەوت بەرهەمدەهێنێت".

وتیشی: وەزارەتەکەی هیچ دەسەڵاتێکی بەسەر پرۆسەی بەرهەمهێنانی نەوتی هەرێمی کوردستانەوە نییە.

ئەمە لە کاتێکدایە، لەئێستادا هەرێمی کوردستان رۆژانە نزیکەی 290 هەزار بەرمیل نەوت بەرهەمدەهێنێت.

سۆشیال میدیا

ڕۆژنامەی زەمەن