هەشت هۆكار بۆتوشبوونی شێرپەنجەی سیەكان.. نزیكبوون لە جگەرە كێشەوە یەكێكیانە
03:05 - 03/08/2024
زەمەن _ تەندروستی
شێرپەنجەی سییەکان یەکێکە لە جۆرە باوەکانی شێرپەنجە، . ئارام بارام - پسپۆڕی نەشتەرگەریی سنگ و بۆرییەکانی خوێن، هەشت هۆکاری تووشبوون بە شێرپەنجەی سییەکان دەخاتە ڕوو کە ئەمانەن:
１- جگەرەکێشان: جگەرەکێشان، لە 10 کەسی تووشبوو بە شێرپەنجەی سییەکان، 8 بۆ 9 کەسیان جگەرەکێشن. وازهێنان لە جگەرەکێشان گرنگترین هەنگاوە بۆ کەمکردنەوەی مەترسی
２- بەرکەوتن بە دوکەڵی جگەرەی کەسانی جگەرەکێش
３- گازی ڕادۆن: بەرکەوتنی بە گازی رادۆن، کە زیاتر لە بیناکاندا کۆدەبێتەوە و گازێکی تێشکدەرە. پشکنینی ماڵەکەت بۆ ئاستی رادۆن و چارەسەرکردنی، یارمەتیدەردەبێت لە رێگرکردن لە نەخۆشییەکە.
４- بەرکەوتن بە ماددەکانی ناو ژینگە لە هەندێک ئیشوکاردا، وەکو ئەو شوێنانەی ئیش بە ماددەی ئەسبێستۆس، ئارسنیک، کرۆمیۆم، نیکڵ دەکەن. بەکارهێنانی کەرەستەی پاراستنی گونجاو لە کاتی کارکردن لەگەڵ ئەم ماددانە زۆر گرنگە.
５- پیسبوونی هەوا: ئەو شارانەی ئاو وهەواکەیان پیسە، شێرپەنجەی سییەکان تێیاندا زۆرترە. هەوڵدان بۆ ژیان لە ناوچەیەکی کەمتر پیسبوودا یان کەمکردنەوەی کاتی دەرەوە لە رۆژە پیسەکاندا دەتوانێت یارمەتیدەر بێت
６- هۆکاری جینی: ئەگەر چی ناتوانین هۆکارە جینییەکان بگۆڕین، بەڵام ئاگاداربوون لە مێژووی خێزانی دەتوانێت یارمەتیی پشکنینی پێشوەختە بدات
７- چارەسەری تیشک: ئەگەر پێویستت بە چارەسەری تیشک هەیە، قسە لەگەڵ پزیشکەکەت بکە دەربارەی چۆنیەتیی کەمکردنەوەی مەترسییەکان
８- مێژووی خێزانی: ئەگەر مێژووی خێزانیی شێرپەنجەی سییەکانت هەیە، قسە لەگەڵ پزیشکەکەت بکە دەربارەی پشکنینی زووتر.
شێرپەنجەی سییەکان، ناسراوە بە (سیە سندان) گرێیەکی کوشندەیە سەرهەڵدەدات بەهۆی گەشەی ناڕێکی خانەکان لە سییە شانەکاندا.