هۆشداری دەدرێت.. ئیسرائیل دەیەوێت عێراق پەلکێشی جەنگ بکات
04:48 - 13/10/2024
زەمەن - عێراق
فوئاد حوسێن وەزیری
دەرەوەی عێراق هۆشداری لە فراوانبوونی جەنگ دەدات و دەڵێت، "ئیسرائیل دەیەوێت
عێراق پەلکێشی شەڕ بکات.
ئەمڕۆ وەزیری
دەرەوەی ئێران سەردانی بەغدای کرد و دوای کۆبوونەوە لەگەڵ وەزیری دەرەوەی عێراق،
کۆنگرەیەکی ڕۆژنامەوانییان ساز کرد
فوئاد حسێن وتی: هەر شەڕێک رووبدات، دەبێت عێراق و ئاسمانی
عێراق لە دەرەوەی شەڕەکە بن. شەڕ رووبدات، ئاسایشی هەموو ناوچەکە تێکدەچێت و پشێوییەکی
چەکداری روودەدات. داعش و گرووپەکانی دیکەش خۆیان رێکدەخەنەوە.
وتیشی: هۆشداریمان
داوە لە فراوانکردنی بازنەی شەڕ و گوتمان هێرشکردنە سەر لوبنان دەبێتە هۆی شەڕێکی
دیکە. بەردەوامیی هێرشەکانیش هەڕەشە لە ئاسایشی ناوچەکە دەکات
لەبەرانبەردا وەزیری
دەرەوەی ئێران ئاماژەی بەوە کرد، ناوچەکە لە بارودۆخێکی نائاساییدایە و وتیشی: هێندەی خەڵک لە غەززە ئاوارە بووە، بە هەمان قەبارە خەڵکی لوبنانیش
ئاوارە بوون. ملیۆنێک و 200 هەزار کەس لە لوبنان ئاوارە بوون."