میدیا عێراقییەکان: هەڵبژاردن سەرکەوتنی بەدەستهێناوە
12:54 - 21/10/2024
زەمەن _ عێراقی
میدیاکانی عێراق دەڵێن: هەڵبژاردنەکەی هەرێمی کوردستان کە کۆمیسیۆنی سەربەخۆی هەڵبژاردنەکانی عێراق سەرپەرشتی کردووە، سەرکەوتنی گەورەی بەدەستهێناوە.
ئەمڕۆ دووشەممە، ٢١ی تشرینی یەکەمی ٢٠٢٤، ڕۆژنامەی سەباحی عێراقی لە مانشێتی سەرەکیدا بە زمانی کوردسی نوسیویەتی: "زەماوەندی هەڵبژاردن لە کوردستان" و ئاماژەی بەداوە هەڵبژاردنی پەرلەمانی کوردستان سەرکەوتنی گەورەی بەدەستهێنا.
ئەمە لە کاتێکدایە، دوێنێ ٢٠ی تشرینی یەکەم، هەڵبژاردنی خولی شەشەمی پەرلەمانی کوردستان بەڕێوەچوو و بەپێی ئاماری فەرمی کۆمیسیۆن ڕێژەی بەشداری دەنگدەران گەیشتە ٧٢٪، بڕیاریشە ئێوارەی ئەمڕۆ کۆمیسیۆن ئەنجامی سەرەتایی دەنگی لایەنەکان ئاشکرابکات.