هەڵبژاردنی سەرۆکی پەرلەمانی عێراق چووە گەڕی دووەمەوە
07:02 - 31/10/2024
زەمەن - عێراقى
دواى ئەوەى هیچکام لە کاندیدەکان بۆ سەرۆکایەتى پەرلەمانى عێراق نەیانتوانى دەنگى پێویست بەدەستبهێنن، هەڵبژاردنەکە چووە گەڕى دووەمەوە.
لە دانیشتنی ئەمڕۆدا، مەحموود مەشەهدانی کە لە لایەن زۆربەی سونەکان، چوارچێوەی هەماهەنگى و فراکسیۆنە کوردستانییەکانەوە پشتیوانیی لێ دەکرێت، 153 دەنگی بەدەستهێنا و سالم عیساوی، کاندیدى سەربەخۆ، 95 دەنگى بەدەستهێنا.
بردنەوەی پۆستەکە لە گەڕی یەکەمدا پێویستی بە 166 دەنگ بوو. لە گەڕی دووەمدا هەر بەربژێرێک نیوە +1ـی دەنگەکان بەدەستبهێنێت، کورسیی سەرۆکایەتیی پەرلەمانى عێراق مسۆگەر دەکات.
ماوەی نزیکەی ساڵێکە لە دوای لەکارلادانی محەممەد حەلبووسی، سەرۆکی پێشوو، پۆستەکە بە بەتاڵی ماوەتەوە.