بازرگانێکی نێودەوڵەتیی ماددەی هۆشبەر دەستگیرکرا
04:34 - 03/11/2024
زەمەن - بەغدا
بازرگانێکی
نێودەوڵەتی ماددەی هۆشبەر لە شاری بەغدا دەستگیرکرا و هاوکات لەگەڵ ئەوەدا دەست بەسەر
100 کیلۆگرام حەبی هۆشبەری جۆری "کپتاگۆن"ـیش گیرا.
لە
ڕاگەیەندراوێکدا کە ئەمڕۆ ٣ی تشرینی دووەمی ٢٠٢٤ بڵاویکردۆتەوە، بەڕێوەبەرایەتی
گشتی نەهێشتنی ماددە هۆشبەرەکان دەڵێت: بە هەماهەنگیی نێوان هەردوو بەڕێوەبەرایەتیی
نەهێشتی ماددە هۆشبەرەکانی سەر بە بەڕێوەبەرایەتیی گشتیی ئاسایش/ هەولێر و بەڕێوەبەرایەتیی
گشتیی ماددە هۆشبەرەکانی حکومەتی عێراق؛ ڕۆژی 30-10-2024، لە شاری بەغدا دەست بە سەر
100 کیلۆگرام حەبی هۆشبەر لە جۆری "کپتاگۆن"ـدا گیرا.
باسی لەوەش
کردووە، لە هەمان ئەو چالاکییەدا توانرا بازرگانێکی مەترسیدار کە ئەندامی تۆڕێکی نێودەوڵەتیی
ماددەی هۆشبەر بوو، دەستگیر بکرێت.
هەر بەپێی
ڕاگەیەندراوەکە، چالاکییەکە دوای وەرگرتنی بڕیاری هەریەکە لە دادوەری لێکۆڵینەوەی
ئاساییش و دادوەری لێکۆڵینەوەی دادگای کەرخ، جێبەجێ کراوە."
کلیک بکە بۆ بینینی ڤیدیۆ