بەپەلە... بەغدا دەستی بەدابەشكردنی مووچەی مانگی یەكی 2025 كرد
02:30 - 05/01/2025
زەمەن _ عێراقی
وەزارەتی دارایی عێراق رایگەیاند، لەلایەن فەرمانگەی ژمێریارییەوە مووچەی مانگی کانوونی دووەمی خانەنشینانی سەربازی و مەدەنی و چاودێری کۆمەڵایەتی خراوەتەسەر هەژماری دەستەی خانەنشینی نیشتمانی.
ئاماژەی بەوەشکردووە، خانەنشینانی سەربازی و مەدەنی لەڕێگەی کورتەنامەیەکەوە ئاگادار دەکرێنەوە و دەتوانن سەردانی ئامێرەکانی راکێشانی پارە بکەن و مووچەکانیان وەربگرن.
وەزارەتی دارایی عێراق ئەوەشی خستووەتەروو، مووچەی خانەنشینان و تۆڕی چاودێری کۆمەڵایەتی بەتەواوی دابینکراوە و بەهیچ شێوەیەک کەمی نەختینەییان نیە و تەواوی ئەو دەنگۆیانەی باس لە کەمی نەختینەیی دەکەن دوورن لە راستییەوە.
ئەمە لە کاتێکدایە، کە ئەمڕۆ ٥ی کانوونی دووەم لە هەرێم، مووچەی مانگی ١١ی ساڵی ٢٠٢٤ی مووچەخۆران و خانەنشینان دابەشدەکرێت.