تەواوی برنجی بەشەخۆراکی ئەمساڵ گەیشت
11:40 - 14/01/2025
زەمەن _ هەرێمی کوردستان
وەزارەتی بازرگانی عێراق ڕایگەیاند: تەواوی برنجی بەشەخۆراکی ئەمساڵ گەیشت و دەستیانکردووە بە پشکینین تا بزانن کوالیتییەکەى لەچ ئاستێکدایە.
ئەمڕۆ سێشەممە، ١٤ی کانوونی دووەمی ٢٠٢٥، لەما هاشم موسەویی، بەڕێوەبەری کۆمپانیای گشتیی بازرگانیی خۆراک لە وەزارەتى بازرگانى عێراق بە ڕۆژنامەی دەستوری عێراقی وتووە: کەشتییەکى بارهەڵگر لە تایلەنەدەوە گەیشتووەتە بەندەرى ئوم قەسر، هەڵگری ٤٢ هەزار تۆن برنجى تایبەتە بە بەشە خۆراکی ساڵى ٢٠٢٥ـى هاووڵاتییانى عێراق.
ئاماژەی بەوەشداوە، دەستیانکردووە بە پشکینین تا بزانن کوالیتییەکەى لەچ ئاستێکدایە و بۆ خواردن شیاوە یان نا، ووتیشی: بۆ ئەو مەبەستە نمونەیان ناردووە بۆ تاقیگەى ناوەندی لە بەغدا.