پارتی سبەی ناوی 190 کاندیدی رادەستی کۆمسیۆن دەکات
07:24 - 14/07/2024
زەمەن - کوردستانى
سبەى کۆتا رۆژى وەرگرتنى ناوى کاندیدەکانى پەرلەمانى کوردستانە لەلایەن کۆمسیۆنى باڵاى سەربەخۆى هەڵبژاردنەکانەوە و پارتى بەنیازە ناوى کاندیدەکانى پێشکەش بکات.
بەگوێرەى ئەو زانیارییانەى لەلایەن میدیاکانى نزیک لە پارتى دیموکراتى کوردستان بڵاوکراوەتەوە،ە تاوەکو ئێستا پارتی ناوی 190 کاندیدى ئامادەکردووە، ئەگەری چەند گۆڕانکارییەک لە بازنەی سلێمانی هەیە و تاوەکو سبەی سەرجەم گۆڕانکارییەکان تەواو دەکرێن.
هەر بەگوێرەى میدیاکانى نزیک لە پارتى، لیستی ناوی 190 کەس ڕادەستی مەکتەبی سیاسیی پارتی دیموکراتی کوردستان کراوە بۆ ئەوەی وەکو کاندید پێشکەشی کۆمیسیۆن بکرێن. کاندیدەکان بەمشێوەیە بەسەر پارێزگاکان دابەش بوون؛ سلێمانی 72 کاندید، هەولێر 64 کاندید، دهۆک 48 کاندیدو هەڵەبجە شەش کاندید.