وێنە.. تەواوبوونی ٦٠٪ی کارەکانی پڕۆژەی ڕێگای سێگردکان – دێگەڵە
01:18 - 21/11/2024
زەمەن - کۆیە
وەزارەتی
ئاوەدانکردنەوە و نیشتەجێکردن ڕایگەیاند، لە ٦٠٪ی کارەکانی پڕۆژەی رێگای سێگردکان -
دێگەڵە تەواو کراوە.
پڕۆژەکە پێکدێت
لە چاککردنەوە و بەیەکەوەبەستنی رێگای هەردو ناحیەی سێگردکان-دێگەڵە، یەکێکە لە پڕۆژە
ستراتیژییەکانی وەزارەتی ئاوەدانکردنەوەو نیشتەجێکردن لە قەزای کۆیە.
هاوکات تا ئێستا
بڕگەی قیرتاوکردن لە چەند بەشێکی پڕۆژەکە ئەنجامدراوە و رێژەی کاری ئەنجامدراویش گەیشتوەتە
٦٠٪، دوای کۆتاییهاتنی پشوەکان، کارکردن لە پڕۆژەکە بەردەوام دەبێت بە ئامانجی هەرچی
زو تەواوکردنی و خزمەتکردنی بە هاوڵاتیان.
جێی
وەبیرهێنانەوەیە، رۆژی ١ی حوزەیرانی ساڵی ٢٠٢٣، دانا عەبدولکەریم، وەزیری ئاوەدانکردنەوەو
نیشتەجێکردن بەردی بناغەی پڕۆژەکەی داناوە، درێژی رێگاکە ٣٧کم، ١٨کم رێگا قیرتاو دەکرێت، هەروەها لەگەڵ بڕین و
فراوانکردن و تێکەڵەرێژکردنی رێگا، گوژمەکەی زیاتر لە چوار ملیار دینارە.
پڕۆژەکە
کارئاسانی بۆ هاتوچۆی هاوڵاتیان لەسنورەکە دەکات و هەردو ناحیەی سێگردکان و شۆڕش
(دێگەڵە) بەیەکەوە دەبەستێتەوە، هاوکات دەیان گوندی هەردو ناحیەکە سودمەند دەبن.
