تاڵیبان: نابێت پەنجەرە بەسەر شوێنی کاری ژناندا بڕوانێت
01:51 - 30/12/2024
زەمەن _ جیهانی
لە بڕیارێکی نوێیدا حکومەتەکەی تاڵیبان ڕایگەیاند: نابێت ئەو بینایانەی تازە دروست دەکرێن، پەنجەرەکانیان بەسەر ئەو شوێنانەی ماڵەکانی دراوسێیاندا بڕوانێت کە ژنان کاریان تێدا دەکەن.
ئەمڕۆ دووشەممە، ٣٠ی کانوونی یەکەمی ٢٠٢٤، بەپێی بڕیارێکی نوێی حکومەتی تاڵیبان، نابێت لە پەنجەرەی بیناکانەوە حەوشە، چێشتخانە، بیر و ئەو شوێنانەی ماڵە دراوسێکان دەربکەون کە ژنان بەکاریان دەهێنن بە ئامانجی ڕێگرتن لەو زیانە خراپانەی لە بوونی ئەو پەنجەرانە دەکەونەوە.
لە بڕیارەکەی حکومەتی تاڵیباندا هاتووە کە لە لەمەودوا ئەنجومەنی شارەوانی و خزمەتگوزاری و لایەنە پەیوەندیدارەکانی دیکە چاودێری بیناکان بکەن بۆ جێبەجێکردنی بڕیارەکە.