لە هەولێر و دهۆک پەڵەی نەداوە و کاتی چاندنی گەنمیش کۆتایی دێت
11:20 - 04/01/2025
زەمەن_ هەرێمی کوردستان
بەهۆی پەڵە نەدانی زەوییە کشتوکاڵییەکانی هەولێر و دهۆکەوە ئەگەر زۆرە زیان بە بەرهەمی گەنمی ئەمساڵی جووتیارانی ئەو دوو پارێزگایە بگات.
ئەمڕۆ شەممە، ٤ی کانوونی دووەمی ٢٠٢٥، وەزارەتی کشتوکاڵی هەرێم ئاشکرایکرد، بەپێی بڕی بارینی باران لە هەولێر و دهۆک، بەرهەمی گەنمی ئەم ساڵ کەمتر دەبێت. حکومەتی عێراقیش بڕیاری داوە بەراورد بە پار، بڕێکی کەمتر گەنمی جووتیارانی هەرێمی کوردستان وەربگرێت.
هاوکات بەڕێوەبەری کشتووکاڵی هەولێریش ڕایگەیاند: کاتی چاندنی گەنم بەرەو کۆتایی دەڕوات.