نوێترین زانیارى لەسەر مووچەى پێشمەرگە و هێزە ئەمنییەکان گەیشت
11:35 - 10/07/2024
زەمەن - کوردستانى
درەنگانى شەوى رابردوو شاندێکى چاودێرى دارایى لە وەزارەتى دارایى عێراق هاتووەتە هەولێر و ئەمڕۆ لە وەزارەتى پێشمەرگە وردبینى بۆ لیستى مووچەى پێشمەرگە دەکات.
بەگوێرەى زانیارییەکانى زەمەن، دواى تەواوبوونى وردبینى لە لیستى مووچەى هێزەکانى پێشمەرگە، شاندەکە دەچێتە وەزارەتى ناوخۆ و وردبینى بۆ لیستى مووچەى هێزە ئەمنییەکانیش دەکات و دواتر شاندەکە دەچێتە سلێمانى و بەهەمانشێوە وردبینى بۆ لیستى مووچەى هەردوو وەزارەتەکە دەکات.