وردەکاریی ڕووداوی تەقەکردنەکەی هەولێر
02:46 - 23/10/2024
زەمەن - هەولێر
شەوی ڕابردوو لە هەولێر ڕووداوێکی تەقەکردن ڕوویدا کە
تێیدا کەسێک کرایە ئامانج، لە ئاکامدا ئەو کەسە کوژرا و کەسێکی دیکەش لەشوێنی
ڕووداوەکە بریندار بوو.
ڕووداوەکە لە گەڕەکى سەرکارێزى شارى هەولێر بوو، کەسێک بە
ماتۆڕسکیلێک دەستڕێژى گولـلەى کردوەتەسەر هاوڵاتییەک و دەستبەجێ لە شوێنى روداوەکە
ئەو کەسە گیانى لەدەستداوە.
هاوکات هەر لەکاتى دەستڕێژەکەدا هاوڵاتییەکى دانیشتوى گەڕەکى
سەرکارێز کە لەوکاتەدا لەوێبوە فیشەکێک بەر سکى کەوتوە و بریندار بوە کە پیشەى پێشمەرگەیە
و خاوەنى دوو منداڵە.
بریندارەکە نەشتەرگەریی بۆ ئەنجامدراوە و ئێستا بۆ چارەسەر لە نەخۆشخانەى ئیمێرجنسى
شارى هەولێرە و تەندروستى جێگیرە.
لەبارەى هۆکارى دەستڕێژى گولـلە و کوشتنى ئەو هاوڵاتییەوە
کە بە رەگەز سورییە، پۆلیس ئامادەنەبوە هیچ لێدوانێکى فەرمیی بدات و رایگەیاندوە کە
لەئێستادا لێکۆڵینەوە لەسەر روداوەکە دەستپێکردوە و هیچ زانیارییەک رون نەبوەتەوە.
سەرچاوە: کەی ئێن ئێن