به‌م شێوه‌یه رۆژی چوارشه‌ممه نرخ بۆ کارەبای 24 کاتژمێری دیاریدەکرێت
10:40 - 06/04/2025
زه‌مه‌ن - هه‌رێمی كوردستان
بڕیاره رۆژی چوارشەممە پرۆژەی رووناکی لەسەر مێزی کۆبوونەوەی ئەنجوومەنی وەزیران
نرخی بڕیارلێدراوی بۆ دیاریبکرێت.
"زه‌مه‌ن" زانیویه‌تی ئەو نرخەی دیاریدەکرێت
دابەشدەبێت بەسەر چوار ئاستدا؛
یه‌كه‌م: سفر بۆ 400 کیلۆوات به‌نرخێكی کی نزیك له‌نرخی ئێستا.
دووه‌م: 400 بۆ 800 كیلۆوات بەهەمانشێوە
بەنزیكی دووهێنده‌ی نرخی ئێستا دادەنرێت.
سێیه‌م: هەروەها ئاستی 800 بۆ 1200 کیلۆوات، بە نرخی مامناوەند.
چواره‌م: 1200 کیلۆوات بەرەو سەرەوە، بەنرخی به‌رز دادەنرێت.
ئە نرخەی ئێستا هەیە ئەزموونییە و یەک کیلۆوات لە پرۆژەی رووناکیدا، لەنێوان
100 بۆ 150 دیناردایە، ئەو نرخەش ناڕەزایەتیی زۆرینه‌ی هاونیشتمانییانی لێکەوتووەتەوە
و دەڵێن، بەهۆیەوە مانگانە پارەی زۆریان بۆ دێتەوە.
به‌پێی راگه‌یاندنی حكومه‌ت؛ پرۆژەی رووناکی، ئامانجی دابینکردنی کارەبای
24 کاتژمێرییە لە هەرێمی کوردستان و تاوەکو ئێستا 415 هەزار هاونیشتمانی کارەبای
24 کاتژمێرییان هەیە و بڕیارە تاوەکو کۆتایی 2026 کارەبای تەواوی هەرێمی کوردستان
بکرێتە 24 کاتژمێری.