هەرێم کوردستان لەبەردەم هەژمونی ئێرانی نوێدا
7/7/2021 12:09:00 PM
بەختیار شارەزووری و سەرکەوتی جیهاز
بە گشتی جیهان لەبەردەم دابەشکاری و ڕەسمی نوێ ی
هێزەکاندایە ، دوای ئەم چل ساڵەی دەستەڵاتی ڕەهای ئەمریکا و ئەوروپا بە تایبەت ، ئێستە
لەبەردەم دەرکەوتنی وڵاتی چین و هەستانەوەی ورچەکەی ناو بەستەڵەکەکانی مێژوداین ،
ئەگەر بەم مانایە سەیر بکەین ئەوا دەرکەوتنی چین و ئەو پلانەی کە هەیەتی وا دەکات
لەبەرامبەر ناتۆ و سۆپەر پاوەری یەک جەمسەردا سۆپەر پاوەر و هێزی تر دروست ببێت ،
لەم چوارچێوەیەدا چین وەک سەرکردایەتی ئەم سۆپەرپاوەرەی نوێ دەردەکەوێ و وردە وردە
نەک هێزە گەورەکانی ئاسیا بەڵکو ئۆراسیا بە گشتی خستوەتە ناو چوارچێوەیەکی بەرژەوەندی
ناچارییەوە تا هاوپەیمانیەتیەکی سەربازی و ئابوری و سیاسی دروست بکەن ، ئەم زۆنە بە
پلەی سەرەکی بریتی دەبێت ( چین ، ڕوسیا ، تورکیا ، ئێران ، پاکستان ، هند ، ئەفغانستانی
دوای ئەمریکا ، وڵاتانی سەر دەریای قەزوین ) کە بە گشتی هەمویان لەسەر سکەی پلانی
پڕۆژەی (یەک ڕێگا و یەک پشتێن ) ڕێگای ئاوریشیمی و هواوی دەڕوا ، ئەم پلانە نەخشەی
مامەڵەی هەمو دنیا دەگۆڕێ و لە ئێستەشەوە شەڕی ئەم پڕۆژەیە دەستی پێ کردوە ، بە تایبەت دوای ئەوەی
بایدن دوو تەوەرەی دیاری کرد لە کۆبونەوەی ناتۆ کە سەرکیترنیان شەڕی چین بوە ، لەم
نێوەندەشدا ئێران نەک هەر دەبێتە بەشێک لەم گەمەیە بەڵکو کارئەکتەرێکی سەرەکی ئەم
گەمەیەیە ، بە تایبەت دوای گرێبەستی ٢٥ ساڵەی نێوان ئێران و چین .
ئەگەر چی لە ئێستادا ئێران لەژێر گوشار و شەڕی
ئابوری ئەمریکادایە ، بەڵام شەڕەکە تەنها شەڕی ئێران نیە بەڵکو شەڕی ئەو بلۆکەیە کە
سەرەتاکانی دەرکەوتوە ، کشانەوەی ئەمریکا لە ئەفغانسان بە شێوەیەکی کاڵ دیاریکردنی
سنوری ئەم بلۆکەیە ، ئێران هەژمونی هەیە لە زۆرێک لە واڵاتانی تردا ، بۆیە ئێران دیاری
کردنی سیاسەتی دەرەکی بە پلەی یەکەم دێت و پاشان سیاسەتی ناوخۆشی درێژکراوەی پلانی
درێژخایەنیەتی لەسەر ئەم هێڵە کە ناو دەنرێت شارستانیەتی قوڵ .
هەرێمی کوردستان بە ڕونی لەسەر ئەم جوگرافیایە
دیارە کە دەکەوێتە سەر نەخشەی ئەم بلۆکە نوێیەوە ، مادام ئێران و تورکیا هەردوکیان
لەسەر نەخشەی یەک بەرەن ، کەواتە وەک وڵاتانی تری دابەش کراوە لە نێوان تورکیا و ئێراندا
هەمان دابەشکاری بەردەوامی دەبێت بە پێی ڕێککەوتنە مێژوییەکان و ڕیککەوتنی نوێی
ستراتیژی کە لە نێوان پارتی و یەکێتیدا کراوە .
بە مانایەکی تر هەرێمی کوردستان لە بەردەم ئێرانی
نوێدا هەمان دابەشکاری بەردەوامی دەبێت ، کە دەڵێین ئێرانی نوێ (واتا ئێران وەک
کارئەکتەری سەرەکی گەمەی هواوی و ڕێگای ئاوریشمی ) ، خۆ ئەگەر باس لە گۆڕینی ڕۆحانی
بە ڕەئیسی بکەین ، ئەوا نەک هیچ ناگۆڕێ بەڵکو توند تر دەبێت لەسەر پاراستنی ئەمنی
قومی ئێرانی و دابەشکاری درێژکراوەکانی ئێران ، هەڵبژاردنەکانی ناو ئێران نە هیچ دەگۆڕێ
لە ئاستی ناوخۆی ئەو وڵاتە ، نە هیچ دەگۆڕێ لەسەر ئاستی دەرەکی ، بۆیە هەرێم لە بەردەم
هەژمونی ئێرانی نوێدا هەمان دابەشکاری دوو زۆنی دەبێت و ناهێڵن هیچ گۆڕانێکی بەسەردا
بێت ، بەرەی دژیش وەک ئەمریکا و فەرەنسا و بەریتانیا بۆ پاراستنی بەرژەوەندییەکانی
نەک ناتوانن هیچ بکەن بەڵکو هیچ هەڵوێستێکی دژی توندیان نابێت جگە لە قسەکردن لە ڕاگەیاندنەکانەوە
، کاتێک درۆنەکانی حشد سەری ڕەش دەکەن بە ئامانج ئەمرەیکا و بەرەی دژ لە چوارچێوەی
بەیانی ناڕازی زیاتر هیچیان پێ ناکرێ ، بەڵام بۆ عێراق کۆگاکانی چەکی حشد دەکاتە
ئامانج ، لێرەوە هەرێم لەبەردەم هەژمونی ئێرانی نووێدا دەبێت چاوەڕێی بەریەککەوتنی
گەورەتر بکات یان وەک ئێستای بمێنێتەوە بە دەستەڵاتی پارتی و یەکیتی و گەڕانەوەی
هاوسەنگی هێز بۆ فیفتی بە فیفتیەکەی جاران و وا ببینرێت کە هەرێم سەنتەرێکە بۆ بەرژەوەندی
زۆرێک لە وڵاتانی دنیا ، دەبێت هەمو هێزەکان لێرە شەڕی یەکتر نەکەن بە ناچاری ، نەک
بکرێتە سەکۆی بەریەککەوتنەکانی نێوان ئەمریکا و بەرەی ئێرانی