حیزب و متمانەی گشتی
12/26/2022 9:53:00 AM
بەختیار شارەزووری و سەرکەوتی جیهاز
بە گشتی حیزب لەسەر ئاستی کۆمەڵگا پێناسەکەی بریتیە
لە یەکگرتنی ئارەزومەندانەی گروپێکی هاوبڕوا لە پێناو ئامانجێکی هاوبەشی دور و نزیکدا
لەسەر بنەمای ئەجێندای کارکردنی و ئەو ئامانجەی کە کاری بۆ دەکات ، حیزب هەیکەلی ڕێکخستنی
هەیە کە کار دەکات بۆ ئامانجەکانی بە پێی پەیڕەوی ناخۆی حیزب کار و ئاماجەکانی دیاری
دەکرێت ، ئەوەی لە هەرێم هەیە لەسەر ئاستی حیزب پێویستە بە وردی ڕەهەندە مێژوییەکەی
و کار و بەرنامەکانیان بخوێنرێتەوە بۆ ئەوەی لەوە تێ بگەین کە ئایا حیزبەکانی
کوردستان تا چی ئاستێک توانیویان دەستەڵاتێک یان حکومەتێکی ڕەشید بەرهەم بهێنن تا
بە هاوڵاتی و دەنگدەر بڵین ئەوە ئێمەین کار بۆ بەرنامەکانمان دەکەین .
ئێستە لە کوردستان دۆخێک دروست بوە کە دەتوانین
بە جیاکاری ناوزەندی بکەین بەوەی کە کۆی بازنەی حیزبەکان بە هۆی قەیرانە یەک یەک لەدوای
یەکەکانەوە متمانەی گشتیان لە دەست داوە ، کاتێک هەڵبژاردن دەکرێت و پڕ دەبێت لە
ساختە و دەستی دەرەکی لێرەوە متمانە بە حیزب لاواز دەبێت چونکە بۆ ئەوەی دەستەڵات
بەدەست بهێنن پەنا بۆ ساختەی ناوەکی دەرەکی دەبەن و لادەدەن لەو ئامانجانەی کە هەڵگرین
و لەسەر شاشەکە بە هاوڵتیان وتوە ئەم کارانە دەکەین کە وەک ئەوە وایە خیانەت لە بەهایەکی
نیشتمانی بکەیت ، ئەمە سەرەتای ئەو بێ متمانەییە دەست پێدەکات یان با بڵێین سەرەتای
دروست بونی بۆشاییەکە لە نێوان حیزب و دەنگدەرەکاندا دروست دەبێت ، کاتێک دێینە سەر
دەستەڵاتەکان ( دادوەری ، یاسادانان ، جیبەجێکردن) کە پشکی حیزبەکانە بە پێی دەنگ
دیسانەوە کار بە بەرژەوەندی حیزبی دەکرێت و هەمو جومگەکانی دەستەڵات پر دەبێت لە گەندەڵی
و ڕۆتین و وای لێ دێت حیزب دەست دەخاتە هەمو کایەکانی ژیانی کۆمەڵگاوە کە ئەمەش
دواجار ڕەوتی جوڵە و گەشەکردنی کۆمەڵایەتی بۆ کۆمەڵگایەکی تەندروست ئیفلیج دەکات ،
ئیتر کۆی بازنەی حیزبی جیا دەکاتەوە لە شەقام و هاولاتی ، بەوەی کە چینایەتیەکی
قورس دەروست دەبێت هاوڵاتی هەست ناکات هیچ بەرکەوتەیەکی باشی لەگەڵ دامەزراوەکاندا
هەیە ، بە واتایەکی تر هاوڵاتی هەست با ماف و ئەرکەکانی ناکات .
ئێستە لە هەرێم کۆی حیزبەکان لە دنیایەکی تایبەتدان
و هاوڵاتی لە دنیایەکی تر ، لە ناو بازنەی حیزبەکانیشدا ئەجێندایەکی دیاریکراوی نیشتمانی
نیە کۆکاری ستراتیژی و هێڵی سور نەماوە و بگرە زۆر چەمکی نیشتمانی بۆ بەرژەوەندی حیزبی
بەکار دەهێنن ، هەمو ئەمانە بە سەر یەکەوە وای کردوە کە حیزب متمانەی گشتی لەدەست
بدات و وێنەیەکی ناشیرینی لای خەڵک دروست کردوە .
حیزبەکانی کوردستان بە گشتی بەدەست گرتنەدەستی
دەستەڵاتەوە لەلایەن خوێنی یەکەمی سەرکردەکانی شاخەوە توشی دەیان کێشەی ناوخۆێی
بونەوتەوە واتا حیزبەکان بە گشتی لەم قۆناغەدان ، کە ئەمەش بێ بەری نیە لەو ناوکۆکیە
مێژوەییەی کە لە شەستەکانەوە دەست پی دەکات لە نێوان سەرکردەکاندا و گواستنەوەی بۆ
نەوەکانیان ، کە لای نەوەی نوێ و جیلی تازە بە گشتی رەفزکراوە ، هەمو ئەمانە وای
کردوە کە ئەوەی پێی دەوترێت متمانەی گشتی بە حیزبی کوردی سفر بێتەوە و نەتوانرێ هەم
هەڵبژاردن بکرێت و هەم کێرڤی دەنگدەر (هەڵبژاردن دوای هەڵبژاردن ) بەرەوە سفر بونەوە
بچێت .