بروسکەکانی وڵاتم
7/19/2020 2:51:00 PM
سەردار قادر
جارانێ لەم ووڵاتەمان لە سەردەمى شاخ ، بروسكەى ئێزگەكە زۆر ژیانى ئەگۆرین ، ئەمرۆ بروسكەكان و مانشێتەكان زۆر رۆحمان ئازار ئەدات .
جارانێ هەواڵەكان ژیانى ئەگۆرین ، هیواو ئومێدى ئەداینێ ، ئێستا مانشێتى هەواڵەكان ئەوەندەى تر تووشى بێ ئومێدیمان ئەكەن .
ئەمرۆ ووتیان :
هەر كەس پارەى كارەبا نەدات ئەوا كارەباى لێ ئەبرن و رووبەرووى یاساى ئەكەنەوە چونكە دزینى سامانى ووڵاتە ؟؟؟؟
دەستان خۆش ئەى ئێمەى هاووڵاتى كە كارەبا ئەبرێت چیتان لێ بكەین ؟
كە سامانى سەر زەوى و ژێر زەوى ئەدزن بۆ خۆتان و بنەماڵەتان و حیزبتان چیتان لى َ بكەین ؟؟؟
لە هەڵبژاردن دەنگتان نەدەینێ ؟ خۆ تەزویر ئەكەن بە دەنگى ئێمە ؟
خۆپیشاندان بكەین ، تەنها لە شارێكدا ئەبێت و شار پر ئەكەن لە چەك بە دەست ؟
دوێنێ ووتتان :
موچە لە سى رۆژدا ئەدرێت ئێستا نەك لە چەند مانگێك جارێك بەڵكو بە كەم كراوى موچە ئەدەن و ئەبێت رازیش بین ؟؟؟
سەركردەیەك ووتى :
چاكسازى جارى َ دەستى پێ نەكردووە چاوەرێ بن ؟؟
ئەم چاكسازیە بووە دەرد بۆ دڵى هەموان ، بووە شەمەندەفەرەكەى سلێمانى هەر ئەگات ؟؟
خەزنەى بنەماڵە پرەو چاكسازى دێت ؟
خەزنەى حیزب پرە خەمتان نەبێت چاكسازى دێت ؟
ئەوە نیە دەستمان پێ كرد ئەوە نیە كاكى سەركردەم بە پارتى چى ووت ، ئەوە نیە بە یەكێتى ووت ئەزانین لەم دەڤەرە ئێوە چى ئەكەن و ناكەن ؟
كاكى سەركردەم نەفەس درێژە وەك ئێمەى هاووڵاتى نیە خەممان بێت و نەفەس كورت بین ؟؟
جادەى سەدى سلێمانى :
ئەوە نیە بەردى بناغەى دانرا ، ئێوەى هاووڵاتى چیتان ئەوێت ئیتر ؟؟
گوێ مەدەنێ ناوى سەدى یە بەس بەشێكى ئەبێتە شەستى و بەشێكى سى یە ؟؟
زەوى حیزب بردوێتى بوار نیە بسەنرێتەوە ؟؟
ئەوەتا كۆمپانیاى حیزب دەستى پێ كرد ، لەم قاسەوە بۆ ئەو قاسە ؟؟
سەرەى خانە نشین :
ئەو خانەنشینە لە سەرەكەدا كۆچى دوایى كرد ؟ ویژدان لە كوێ یە ؟نە ئەكرا كەمێك رێز لە و كەسانە بگیرێت ؟ناكرێت مەسرەفێك بكەن و بە رێزەو موچەكانیان بۆ بگەیەنرێت ؟
ئەوەى پرسیارى كرد لاى ئێوە تابوورى پێنجەمە ؟
ئەوەى شتێكى نوسى و گومانى هەبوو لەسەر كارەكانتان هەزار تۆمەتى بۆ دروست ئەكەن .
جارانێ دروشم كۆى ئەكردینەوە ، جارانێ باوەر هەبوو بە ئەى كرێكارانى جیهان یەكگرن !!!
باوەر هەبوو بە كوردستان یان نەمان !!
ئێستـأ ووڵاتان ناشرین كرد ، دروشم بووە ناشرین ترین زاراوە .
كەى تێر ئەبن سەركردەكانى دوێنى َ و خاوەن سەرمایەى ئەمرۆ؟؟سیاسەتان كرد بۆ بوونە سەرمایەدار ؟؟
گاڵتەتان بە هەموو شت دێت تەنها مانەوە ى خۆتان و وەچەكانتان .
ئەمەى ئێمەش ئە یڵین تەنها خەندەیەكە بۆ ئێوە ؟؟
\خەمى گشتى و ئازارى گشتى كەى رێگەیەك ئەدۆزێتەوە تا هیوایەك بێت بۆ هەژارانى ووڵاتم ؟؟
كێ و چۆن دەست پێ بكرێتەوە؟؟