بۆ یادی سلێمانی
11/14/2022 12:59:00 PM
سەردار قادر
چ بووترێت بۆ یادی
شار؟؟
شارێك خامۆش ، شارێك
سه‌ره‌پای ڕٍه‌ش پۆش، شارێك ده‌ستی نزای به‌رزكردۆته‌وه، ڕۆژ تائێواره ترسێك به
شاره‌وه دیاره ، نزای بۆ ڕۆڵه‌كانێتی كه شار خه‌ڵتانی خوێن نه‌كه‌ن ،كۆڵانه‌كانی
شار حه‌په‌ساوه‌و شه‌وانه خه‌و نایه‌ته چاوی له ترسی پێكدادانی نێوان براكان،
هاوڕێكانی دوێنێی خه‌بات..
.
سلێمانی كوانوویه‌كی
خامۆشه ،بیری ڕابردووی خۆی ئه‌كات.. . ئه‌م شاره ئێستا ڕه‌شه‌باكه‌شی وون
كردووه، ئه‌م شاره ئێستا خانمێكه ئێستا نازی نه‌ماوه، دایكێكه خه‌م به ده‌م
و چاویه‌وه دیاره، باوكێكه پشتی چه‌ماوه‌ته‌وه‌و له قه‌راغی جاده‌ی سه‌هۆڵه‌كه‌دا
چاوه‌ڕێ یه دوو عانه به فرۆشتنی كلێنكسی ده‌ستی بۆ ڕۆڵه‌كانی په‌یدا بكات.. .
سلێمانی ئێستا له نێوان
باڵه‌خانه‌ی به‌رزو ژێر پرده‌كه خۆی ناناسێته‌وه.. .
سلێمانی ئێستا به یاده‌وه‌ری
ئه‌ژی.. .
ئه‌گه‌رێ بۆ چاخانه‌كه‌ی
مام عه‌لی باوكی ئه‌كره‌می جوانه‌مه‌رگ،چاوه‌ڕێ یه له‌وێوه دیسان ڕوانگه‌یه‌ك سه‌رهه‌ڵ
بداته‌وه.. .
ئێستا به‌رده‌م
قوتابخانه‌ی ته‌تبیقات چۆڵه.. . چاوه‌ڕێ یه كۆڕه‌كانی جارانی لێ بگیرێته‌وه.. .
ئێستا شانۆی ئاماده‌یی سلێمانی و سه‌ركارێز چێوارو كه‌مال سابیر خۆیانی پێدا بكه‌ن
و به‌رهه‌مێكی نوێ ی پێشره‌و ده‌ست پێ بكات.. .
ئێستا هه‌موان به هێمنی
گوێ ئه‌گرین بۆ به‌رهه‌مێكی نوێی تیپی سلێمانی له قه‌سره‌كه‌ی تۆفیق قه‌زاز كوا
كه‌مانه‌كه‌ی سه‌ركارو قه‌ره‌داغی؟؟
شارم ئێستا چاوه‌ڕێی كۆبونه‌وه‌یه‌كی
نهێنی هاوڕێ باوه‌ر(جه‌باری حاجی ڕه‌شید) و هاوڕێكانێتی. .. شارم چاوه‌ڕێ یه قسه‌یه‌كی
خۆشی كوڕانی شار هه‌موان بێنێته پێكه‌نین. .. ئێستا قسه‌ی خۆشیش هیجره‌تی كردووه.. .
سلێمانی مه‌لعەبە‌كه
چۆڵه و نه قاشه كالیارو نه ئاوی ده‌ستی مناڵه‌كان كڕیاری هه‌یه.. .
سلێمانی نه دیوه‌خانی
بابانی بیرماوه‌و نه هیممه‌تی شێخی نه‌مر. ..
سلێمانی ئێستا زانکۆكه‌ی
زۆربه‌ی ڕۆژه‌كانی خۆپیشاندانی كیژان و كوڕانی شاره‌و بۆ مافێكی ئاساییان وه‌ڵام
نادرێنه‌وه.. .
سلێمانی ئێستا كیژۆڵیه‌كی
شه‌رمنه له سه‌هۆڵەكه به‌ده‌م خه‌ونی پرته‌قاڵیه‌وه سه‌یری كوڕی هاوڕیی گیرفان
به‌تاڵی ئه‌كات و خه‌ونه‌كانیان به‌ده‌م خه‌مه‌وه ئه‌بێته هۆنراوه‌یه‌كی بێ تامی
شه‌رمن.. .
له سلێمانی ئێستا
سالم دێته‌وه و گوزه‌رێك ئه‌كا به شه‌قامه‌كه‌یدا و وێڵه بۆ بیستنی ووشه‌یه‌ك ڕۆحی
زیندوو بكاته‌وه‌و نایبیستێ.
..
سلێمانی ئێستا برسی ئه‌كرێت
، سزا ئه‌درێت سلێمانی ئێستا خه‌ونێكه‌و به دزیه‌وه باس ئه‌كرێت. ..
سلێمانی لێمان ببوره
به‌و ده‌رده‌مان بردی.
.. .