دادگایی کردنەکەی دۆنالد ترەمپ بەرەو کوێ !!!!
1/19/2021 1:25:00 PM
مەهدی کاوانی
دیموکراتەکان ،
ھەتا دوا بە دوای دەس بەکار بوونی بایدنیش ، دەست لە دادگایی کردنی ترەمپ ھەلناگرن
.
١٣/١/٢٠٢١ و لە دانیشتنی کۆنگرێسی ئەمەریکی ، بە
دەنگی ٢٣٢ بەرامبەر ١٩٧ کۆنگریس مان ، بە دەنگی تەواوی کۆنگریسمانە دیموکراتەکان و
١٠ کۆنگرێس مانی کۆمارەیەکان واژوو لە سەر لە کار خستن کردنی دۆنالدترەمپ کرا . ھۆکاری
لەکار خستنەکەش لە بەر ئەو ھێرشەی چوارشەمەی ڕێکەوتی ٦/١/٢٠٢١ لە لایەن ھەوادارانی
ترەمپ کرایە سەر کۆنگرێس وترەمپیش بەوە تاوانبار کرا کە بە دەستی ئەوەوە بووە .
ئەنجوومەنی پیرانی
ئێستا کە کۆماریەکان زۆرینەن و مایک پێنسی جێگری سەرۆکی ئێستای ئەمەریکی ، سەرۆکایەتی
دەکات .
دیارە کۆتا بڕیارەکە
بە دەنگی دوولە سەر سێی سیناتۆرە ئەمەریکیەکانەوە دەبێ .
پێ ناچێ لایحەی
ھۆکارەکانی دادگایی کردنی ترەپ لەو سێ ڕۆژەی مانەوەی دەسەلاتی ترەمپ ، تەواو بێت ،
بۆیە واژوو کردن و نەکردنەکەی ئەمجوومەنی پیران ، دەکەوێتە ناو دەسەلاتی جۆ بایدن
و ئەنجومەنە پیرانە نوێکە کە ئەم جارە دیموکراتەکان زۆرینەن و کەمالە ھارسیش، دەبێتە
سەرۆکی ئەنجوومەنی پیران .
وەک باسی لێوە دەکرێ
، ڕێکارەیاساییەکان کە خۆی لە سەدان پێشێلکاری یاسایی دەنوێنێ ، پێمان دەڵێ کە بەشی
ھەرەزۆری پێشێلکارەکان ، ئەو کەسانەن کە لە دەرەوەی واشنتۆنی پایتەخت ، واتە لە
ولایەتەکانی ئەمەریکیەوە ، ھاتوون .
ئەو مەلەفە پێشێلکاریانە
وەک لێکۆلەرەوە یاسایەکان باسی لێوە دەکەن ، بەشی ھەرە زۆریان بە مەبەستەوە کراون
و ئەو ھێرشەی کە کرایە سەر کۆنگرێسیش وەک باسی لێوە دەکرێ بۆ ئەوە بووکە لێنەگەڕێن
ئاشکرا کردنی بردنەوەی جۆبایدن ڕابگەیەنرێ .
دەتوانم بڵێم کۆدەنگی
ڕای کۆنگریس مان و سەناتۆرەکان لە ناو ھەردوو پارتی دیموکراتەکان و کۆماریەکان ئیدانەی
ئەو ھێرشەی کە کرایە سەر کۆنگرێس ، دەکەن ، بەڵام ئەوەی دیموکراتەکان و بەشێک لە کۆماریەکان
، لە ئەمانی تر جیا دەکاتەوە ، ھەندی ئەوانەی لە پێشەوە ناویان ھاتووە ، بێ سێو
دوو دەڵێن ترەمپ لە پشت ئەو کارەوەیەو ئەوانی تریش ھەندێکیان دەیانەوێ ترمپ لە ناو
ئەو تاوانانە دەربێنن و بەشێکیشیان دەڵێن لە پێناو یەکیەتی ئەمەریکا با لەکارخستنەکەی
ترەمپ نەکرێ .
دوا ڕاپرسیش لە
سەر شەعبەویەتی جۆ بایدن و ترەمپەوە کراوە ، جۆ باێدن ٥٨٪ ی بە دەست ھێناوەو ترەمپیش
٢٩٪ .
ھۆکاری زیاد
کردنی شەعبەویەتی جۆ بایدن بۆ ئەو تیمە دەسەلاتداریە پڕۆفیشنالەی کە ھێشتاش دەس بە
کار نەبووە ، پێکی ھێناوە ، دەگەڕێتەوە . ھاتنە خوارەوەی شەعبەویەتی ترەمپیش بۆ نزیکی
نیوەی دەنگەکانی پێشووی ، دەگەرێتەوە بۆ ئەو زنجیرە دەست لە کارکێشانەوەی گەورە دەسەلاتدارانی
تیمی ترەمپ و ئەو ھێرشەی کە کرایە سەر کۆنگرێس . . ھەشن دەڵێن دەرئەنجامی ئەو ھاتنە
خوارەوەی شەعبیەتی ترەمپ و زیاد بوونی شەعبەویەتی جۆ بایدن و ھەر وەھا دەرئەنجامی
لێکۆلەوەرەکانیش بۆ ترەمپ سوود بەخش نیە و لە ڕێگایانەوە زیاتر ھانی سەناتۆرە کۆماریەکان
دەدا کە پشگیری لەکارخستنەکەی ترەمپ بکەن . کە بۆ لەکار خستنەکە دەنگی ١٥-١٧ کۆماریەکان
، بۆی پێوێستە .
سوور بوونی دیموکراتەکانیش
بۆلەکارخستنەکە ئەگەر سەر بگرێ ، ترەمپ و بۆ لەمەودوابۆی نیە بۆ ھیچ پۆستێکی حکومی
خۆی کاندید کات واتە دەکاتە دوور خستنەوەی لە کاری سیاسی . ھەشن لە ناو کۆماریەکان
وەک بڵێن بە دوور خستنەوەی ترەمپ لە کاری سیاسی و پێیەوە کۆماریەکان بە بەسەر چوونی
ھەندێ کات، بتوانن عافیەی جارانیان بگێڕنەوە .